لبیک

لبیک

دوکتور جئری

روایت‌لرده بئله گلیب:

 قاصیدلر، امام حسین(ع)-ین "هَل مِن ناصِراً یَنصُرُنی؟" هارایینی، اؤرت باسدیر ماحالی‌نین شیخ آغاسینا چاتدیرینجا، او "لبیک" دئیه‌رک خالقی باشینا توپلادی:

- صاباح تئزدن اؤکوز آرابالارینی قوشون امامیمیزین یاردیمینا قوشاجاغیق!

گئجه شیخ آغانین آروادی سوروشدو:

- یا شیخ! آت- دوه اولان یئرده سیز نییه امامین یاردیمینا اؤکوز آرابالاری ایله گئتمک ایسته‌ییرسیز، قورخورام گئج یئتیشه‌سیز؟!

شیخ آغا ساققالینی تومارلایاراق دئدی:

- بیز گئج یئتیشینده، امام(ع) ساواشی قازانمیشسا، اونون یانیندا اوزوموز آغ اولاجاق، عکس تقدیرده تکلیف بوینوموزدان گؤتورولموش اولاجاق!

بنزه‌ر یازیلار:

أنا کئفلی ایسکندر!

محرم‌لیك خاطیره‌لری

نئجه شاخسئی ووردوم؟

محرم لیك احوالاتی

آغلاما!