ایکی دقیقه، نئچه دقیقهدیر؟

ایکی دقیقه، نئچه دقیقهدیر؟

دوکتور جئری

آخشام چاغی، ائلباغیندا اوستاد دفترینی گؤردوم. اون- اون بئش گون ایدی بیلهسیندن ایز-توز یوخ ایدی. رنگی بیرآز آغاران کیمی ایدی.

- اوستاد هارالارداسان؟! نه گؤرونورسن، نه تئلئفونا جاواب وئریرسن! دولانماغا گئتمیشدین؟!- دئیه سوروشدوم.

الیمی سیخاراق دئدی:

- آذربایجانین میللی قهرمانی بابکین دوغوم گونو مناسیبتینه، بابک قالاسینا گئدهجک ایدیک آنجاق اولمادی!

دوداقلاریمی بوزدوم:

- نییه؟!!..

اوستاد اوزونتو ایله باشینی توولادی:

- گئدیشیمیزه بیر گون قالان، آدییوخ ایدارهسیندن زنگ ووروب دئدیلر: سیز ایله ایکی دقیقه ایشیمیز وار؛ گلین بورایا. ماتدیم-ماتدیم بو واختسیز زنگه فیکیرلشنده، آرتیردیلار: گلمهیه وسیلهنیز وار یوخسا چووال گؤندهرک؟

- سونرا نئجه اولدو؟!!

- هئچ؛ دونن بیزی بوراخدیلار!

دوكتور جئری...